Stotram Sangrah
ಕನ್ನಡ (Kannada)
Lakshmi
Kanakadhara Stotra
Shri Kanakadhara Stotram in Kannada (Kanakadhara Stotra)
सम्पूर्ण Shri Kanakadhara Stotram in Kannada (Kanakadhara Stotra) मूल श्लोक, English Transliteration एवं अर्थ सहित DevDhun पर पढ़ें।
Text:
ಅಙ್ಗಂ ಹರೇಃ ಪುಲಕಭೂಷಣಮಾಶ್ರಯನ್ತೀ
ಭೃಙ್ಗಾಙ್ಗನೇವ ಮುಕುಲಾಭರಣಂ ತಮಾಲಮ್ ।
ಅಙ್ಗೀಕೃತಾಖಿಲವಿಭೂತಿರಪಾಙ್ಗಲೀಲಾ
ಮಾಙ್ಗಲ್ಯದಾಸ್ತು ಮಮ ಮಙ್ಗಲದೇವತಾಯಾಃ ॥ ೧ ॥
Angam Hareh Pulakabhooshanam Ashrayantee
Bhringanganeva Mukulabharanam Tamalam.
Angeekritakhilavibhootir Apangalīla
Mangalyadastu Mama Mangaladevātāyāh. (1)
ಮುಗ್ಧಾ ಮುಹುರ್ವಿದಧತೀ ವದನೇ ಮುರಾರೇಃ
ಪ್ರೇಮತ್ರಪಾಪ್ರಣಿಹಿತಾನಿ ಗತಾಗತಾನಿ ।
ಮಾಲಾ ದೃಶೋರಮಧುಕರೀವ ಮಹೋತ್ಪಲೇ ಯಾ
ಸಾ ಮೇ ಶ್ರಿಯಂ ದಿಶತು ಸಾಗರಸಮ್ಭವಾಯಾಃ ॥ ೨ ॥
Mugdha Muhur Vidadhatee Vadane Murareh
Prematrapapranihitani Gatagatani.
Mala Drishor Madhukareeva Mahotpale Ya
Sa Me Shriyam Dishatu Sagarasambhavayah. (2)
ಆಮೀಲಿತಾಕ್ಷಮಧಿಗಮ್ಯ ಮುದಾ ಮುಕುನ್ದ-
ಮಾನನ್ದಕನ್ದಮನಿಮೇಷಮನಙ್ಗತನ್ತ್ರಮ್ ।
ಆಕೇಕರಸ್ಥಿತಕನೀನಿಕಪಕ್ಷ್ಮನೇತ್ರಂ
ಭೂತ್ಯೈ ಭವೇನ್ಮಮ ಭುಜಙ್ಗಶಯಾಙ್ಗನಾಯಾಃ ॥ ೩ ॥
Ameelitaksham Adhigamya Muda Mukundam
Anandakandam Animisham Anangatantram.
Akekarasthitakaneenikapaksmanetram
Bhootyai Bhaven Mama Bhujangashayanganayah. (3)
ಬಾಹ್ವನ್ತರೇ ಮಧುಜಿತಃ ಶ್ರಿತಕೌಸ್ತುಭೇ ಯಾ
ಹಾರಾವಲೀವ ಹರಿನೀಲಮಯೀ ವಿಭಾತಿ ।
ಕಾಮಪ್ರದಾ ಭಗವತೋಽಪಿ ಕಟಾಕ್ಷಮಾಲಾ
ಕಲ್ಯಾಣಮಾವಹತು ಮೇ ಕಮಲಾಲಯಾಯಾಃ ॥ ೪ ॥
Bahvantare Madhujitah Shritakaustubhe Ya
Haravaleeva Harineelamayee Vibhati.
Kamaprada Bhagavatoapi Katakshamala
Kalyanam Avahatu Me Kamalalāyāyāh. (4)
ಕಾಲಾಮ್ಬುದಾಲಿಲಲಿತೋರಸಿ ಕೈಟಭಾರೇ-
ರ್ಧಾರಾಧರೇ ಸ್ಫುರತಿ ಯಾ ತಡಿದಙ್ಗನೇವ ।
ಮಾತುಃ ಸಮಸ್ತಜಗತಾಂ ಮಹನೀಯಮೂರ್ತಿ-
ರ್ಭದ್ರಾಣಿ ಮೇ ದಿಶತು ಭಾರ್ಗವನನ್ದನಾಯಾಃ ॥ ೫ ॥
Kalambudalilalitōrasi Kaitabhareh
Dharadhare Sphurati Ya Tadidanganeva.
Matuh Samastajagatam Mahaneeyamoortir
Bhadrani Me Dishatu Bhargavanandanayah. (5)
ಪ್ರಾಪ್ತಂ ಪದಂ ಪ್ರಥಮತಃ ಖಲು ಯತ್ಪ್ರಭಾವಾನ್-
ಮಾಙ್ಗಲ್ಯಭಾಜಿ ಮಧುಮಾಥಿನಿ ಮನ್ಮಥೇನ ।
ಮಯ್ಯಾಪತೇತ್ತದಿಹ ಮನ್ಥರಮೀಕ್ಷಣಾರ್ಧಂ
ಮನ್ದಾಲಸಂ ಚ ಮಕರಾಲಯಕನ್ಯಕಾಯಾಃ ॥ ೬ ॥
Praptam Padam Prathamatah Khalu Yatprabhavan
Mangalyabhaji Madhumathini Manmathena.
Mayyapatet Tadiha Mantharam Eekshanardham
Mandalasam Cha Makaralayakanyakayah. (6)
ವಿಶ್ವಾಮರೇನ್ದ್ರಪದವಿಭ್ರಮದಾನದಕ್ಷ-
ಮಾನನ್ದಹೇತುರಧಿಕಂ ಮುರವಿದ್ವಿಷೋಽಪಿ ।
ಈಷನ್ನಿಷೀದತು ಮಯಿ ಕ್ಷಣಮೀಕ್ಷಣಾರ್ಧ-
ಮಿನ್ದೋವರೋದರಸಹೋದರಮಿನ್ದಿರಾಯಾಃ ॥ ೭ ॥
Vishvamarendrapadavibhramadanadaksham
Anandahetur Adhikam Muravidvishoapi.
Eeshanniseedatu Mayi Kshanam Eekshanardham
Indeevarodarasahodaram Indirayah. (7)
ಇಷ್ಟಾವಿಶಿಷ್ಟಮತಯೋಽಪಿ ಯಯಾ ದಯಾರ್ದ-
ದೃಷ್ಟ್ಯಾ ತ್ರಿವಿಷ್ಟಪಪದಂ ಸುಲಭಂ ಲಭನ್ತೇ ।
ದೃಷ್ಟಿಃ ಪ್ರಹೃಷ್ಟಕಮಲೋದರದೀಪ್ತಿರಿಷ್ಟಾಂ
ಪುಷ್ಟಿಂ ಕೃಷೀಷ್ಟ ಮಮ ಪುಷ್ಕರವಿಷ್ಟರಾಯಾಃ ॥ ೮ ॥
Ishtavisishtamatayoapi Yaya Dayardra
Drishtya Trivishtapapadam Sulabham Labhante.
Drishtih Prahirishtakamalodaradeeptirishtam
Pushtim Krisheeshta Mama Pushkaravishtarāyāh. (8)
ದದ್ಯಾದ್ದಯಾನುಪವನೋ ದ್ರವಿಣಾಮ್ಬುಧಾರಾ-
ಮಸ್ಮಿನ್ನಕಿಞ್ಚನವಿಹಙ್ಗಶಿಶೌ ವಿಷಣ್ಣೇ ।
ದುಷ್ಕರ್ಮಘರ್ಮಮಪನೀಯ ಚಿರಾಯ ದೂರಂ
ನಾರಾಯಣಪ್ರಣಯಿನೀನಯನಾಮ್ಬುವಾಹಃ ॥ ೯ ॥
Dadyad Dayanupavano Dravinambudharam
Asminnakinchanavihangashishau Vishanne.
Dushkarmagharmam Apaneeya Chiraya Dooram
Narayanapranayineenayanambuvāhah. (9)
ಗೀರ್ದೇವತೇತಿ ಗರುಡಧ್ವಜಸುನ್ದರೀತಿ
ಶಾಕಮ್ಭರೀತಿ ಶಶಿಶೇಖರವಲ್ಲಭೇತಿ ।
ಸೃಷ್ಟಿಸ್ಥಿತಿಪ್ರಲಯಕೇಲಿಷು ಸಂಸ್ಥಿತಾಯೈ
ತಸ್ಯೈ ನಮಸ್ತ್ರಿಭುವನೈಕಗುರೋಸ್ತರುಣ್‍ಯೈ ॥ ೧೦ ॥
Geerdevateti Garudadhvajasundareeti
Shakambhareeti Shashishekharavallabheti.
Srishtisthitipralayakelishu Samsthitayai
Tasyai Namas Tribhuvanaikaguros Tarunyai. (10)
ಶ್ರುತ್ಯೈ ನಮೋಽಸ್ತು ಶುಭಕರ್ಮಫಲಪ್ರಸೂತ್ಯೈ
ರತ್ಯೈ ನಮೋಽಸ್ತು ರಮಣೀಯಗುಣಾರ್ಣವಾಯೈ ।
ಶಕ್ತ್ಯೈ ನಮೋಽಸ್ತು ಶತಪತ್ರನಿಕೇತನಾಯೈ
ಪುಷ್ಟ್ಯೈ ನಮೋಽಸ್ತು ಪುರುಷೋತ್ತಮವಲ್ಲಭಾಯೈ ॥ ೧೧ ॥
Shrutyai Namoastu Shubhakarmaphalaprasoothyai
Ratyai Namoastu Ramaneeyagunarnavayai.
Shaktyai Namoastu Shatapatraniketanayai
Pushtyai Namoastu Purushottamavallabhayai. (11)
ನಮೋಽಸ್ತು ನಾಲೀಕನಿಭಾನನಾಯೈ
ನಮೋಽಸ್ತು ದುಗ್ಧೋದಧಿಜನ್ಮಭೂಮ್ಯೈ ।
ನಮೋಽಸ್ತು ಸೋಮಾಮೃತಸೋದರಾಯೈ
ನಮೋಽಸ್ತು ನಾರಾಯಣವಲ್ಲಭಾಯೈ ॥ ೧೨ ॥
Namoastu Naleekanibhananayai
Namoastu Dugdhodadhijanmabhoomyai.
Namoastu Somamritasodarayai
Namoastu Narayanavallabhayai. (12)
ನಮೋಽಸ್ತು ಹೇಮಾಮ್ಬುಜಪೀಠಿಕಾಯೈ
ನಮೋಽಸ್ತು ಭೂಮಣ್ಡಲನಾಯಿಕಾಯೈ ।
ನಮೋಽಸ್ತು ದೇವಾದಿದಯಾಪರಾಯೈ
ನಮೋಽಸ್ತು ಶಾರ್ಙ್ಗಯುಧವಲ್ಲಭಾಯೈ ॥ ೧೩ ॥
Namoastu Hemambujapeethikayai
Namoastu Bhoomandalanayikayai.
Namoastu Devadidayaparayai
Namoastu Sharngayudhavallabhayai. (13)
ನಮೋಽಸ್ತು ದೇವ್ಯೈ ಭೃಗುನನ್ದನಾಯೈ
ನಮೋಽಸ್ತು ವಿಷ್ಣೋರುರಸಿ ಸ್ಥಿತಾಯೈ ।
ನಮೋಽಸ್ತು ಲಕ್ಷ್ಮ್ಯೈ ಕಮಲಾಲಯಾಯೈ
ನಮೋಽಸ್ತು ದಾಮೋದರವಲ್ಲಭಾಯೈ ॥ ೧೪ ॥
Namoastu Devyai Bhrigunandanayai
Namoastu Vishnor Urasi Sthitayai.
Namoastu Lakshmyai Kamalalayayai
Namoastu Damodaravallabhayai. (14)
ನಮೋಽಸ್ತು ಕಾನ್ತ್ಯೈ ಕಮಲೇಕ್ಷಣಾಯೈ
ನಮೋಽಸ್ತು ಭೂತ್ಯೈ ಭುವನಪ್ರಸೂತ್ಯೈ ।
ನಮೋಽಸ್ತು ದೇವಾದಿಭಿರರ್ಚಿತಾಯೈ
ನಮೋಽಸ್ತು ನನ್ದಾತ್ಮಜವಲ್ಲಭಾಯೈ ॥ ೧೫ ॥
Namoastu Kantyai Kamalekshanayai
Namoastu Bhootyai Bhuvanaprasoothyai.
Namoastu Devadibhirarchitayai
Namoastu Nandatmajavallabhayai. (15)
ಸಮ್ಪತ್ಕರಾಣಿ ಸಕಲೇನ್ದ್ರಿಯನನ್ದನಾನಿ
ಸಾಮ್ರಾಜ್ಯದಾನವಿಭವಾನಿ ಸರೋರುಹಾಕ್ಷಿ ।
ತ್ವದ್ವನ್ದನಾನಿ ದುರಿತಾಹರಣೋದ್ಯತಾನಿ
ಮಾಮೇವ ಮಾತರನಿಶಂ ಕಲಯನ್ತು ಮಾನ್ಯೇ ॥ ೧೬ ॥
Sampatkarani Sakalendriyanandanani
Samrajyadanavibhavani Saroruhakshi.
Tvadvandanani Duritaharanodyatani
Mameva Mataranisham Kalayantu Manye. (16)
ಯತ್ಕಟಾಕ್ಷಸಮುಪಾಸನಾವಿಧಿಃ
ಸೇವಕಸ್ಯ ಸಕಲಾರ್ಥಸಮ್ಪದಃ ।
ಸನ್ತನೋತಿ ವಚನಾಙ್ಗಮಾನಸೈ-
ಸ್ತ್ವಾಂ ಮುರಾರಿಹೃದಯೇಶ್ವರೀಂ ಭಜೇ ॥ ೧೭ ॥
Yatkatakshasamupasanavidhih
Sevakasya Sakalarthasampadah.
Santanoti Vachanangamanasais
Tvam Murarihridayeshvareem Bhaje. (17)
ಸರಸಿಜನಿಲಯೇ ಸರೋಜಹಸ್ತೇ
ಧವಲತಮಾಂಶುಕಗನ್ಧಮಾಲ್ಯಶೋಭೇ ।
ಭಗವತಿ ಹರಿವಲ್ಲಭೇ ಮನೋಜ್ಞೇ
ತ್ರಿಭುವನಭೂತಿಕರಿ ಪ್ರಸೀದ ಮಹ್ಯಮ್ ॥ ೧೮ ॥
Sarasijanilaye Sarojahaste
Dhavalatamamshukagandhamalyashobhe.
Bhagavati Harivallabhe Manojne
Tribhuvanabhootikari Praseeda Mahyam. (18)
ದಿಗ್ಘಸ್ತಿಭಿಃ ಕನಕಕುಮ್ಭಮುಖಾವಸೃಷ್ಟ-
ಸ್ವರ್ವಾಹಿನೀವಿಮಲಚಾರುಜಲಪ್ಲುತಾಙ್ಗೀಮ್ ।
ಪ್ರಾತರ್ನಮಾಮಿ ಜಗತಾಂ ಜನನೀಮಶೇಷ-
ಲೋಕಾಧಿನಾಥಗೃಹಿಣೀಮಮೃತಾಬ್ಧಿಪುತ್ರೀಮ್ ॥ ೧೯ ॥
Digghastibhih Kanakakumbhamukhavasrishta
Svarvahineevimalacharujalaplutangeem.
Pratar Namami Jagatam Jananeem Ashesha
Lokadhinathagrihineem Amritabdhiputreem. (19)
ಕಮಲೇ ಕಮಲಾಕ್ಷವಲ್ಲಭೇ ತ್ವಂ
ಕರುಣಾಪೂರತರಙ್ಗಿತೈರಪಾಙ್ಗೈಃ ।
ಅವಲೋಕಯ ಮಾಮಕಿಞ್ಚನಾನಾಂ
ಪ್ರಥಮಂ ಮನ್ದಿರಮದ್ಭುತಪ್ರಭಾವಾ ॥ ೨೦ ॥
Kamale Kamalakshavallabhe Tvam
Karunapooratarangitair Apangaih.
Avalokaya Mam Akinchananam
Prathamam Mandiram Adbhutaprabhāva. (20)
ಭಕ್ತ್ಯಾ ಸ್ತುವನ್ತಿ ಭುವನಮಾತರಮಮ್ಬಿಕಾಮ-
ನಿಶಂ ಪ್ರಪದ್ಯ ಶರಣಾಗತವತ್ಸಲಾಂ ತಾಮ್ ।
ತೇ ಸರ್ವಸಮ್ಪದಭಿವೃದ್ಧಿಮವಾಪ್ಯ ಲೋಕೇ
ದೀರ್ಘಾಯುಷಃ ಸುಮತಿಪುತ್ರಯುತಾ ಭವನ್ತಿ ॥ ೨೧ ॥
Bhaktya Stuvanti Bhuvanamataram Ambikam
Anisham Prapadya Sharanagatavatsalam Tam.
Te Sarvasampadabhivriddhim Avapya Loke
Deerghayushah Sumatiputrayuta Bhavanti. (21)
॥ ಇತಿ ಶ್ರೀಮಚ್ಛಙ್ಕರಾಚಾರ್ಯವಿರಚಿತಂ ಕನಕಧಾರಾಸ್ತೋತ್ರಂ ಸಮ್ಪೂರ್ಣಮ್ ॥
|| Iti Shrimad Shankaracharya Virachitam Kanakadhara Stotram Sampoornam ||
Read Shri Kanakadhara Stotram in Kannada (Kanakadhara Stotra) in Other Indian Languages
Kannada Bhakti Portal
Explore authentic devotional hymns, stotras, and chalisas accurately translated into Kannada (ಕನ್ನಡ) script with complete spiritual meanings.
All Kannada Prayers